Mae Prifysgol Caerdydd wedi cael £300,000 gan Elusennau’r GIG Gyda’i Gilydd drwy ei Rhaglen Lles y Gweithlu yng Nghymru i gefnogi’r gwaith o ehangu a gwella gwasanaeth cymorth iechyd meddwl Canopi yn ystod 2026/2027.
Bydd y buddsoddiad hwn yn helpu i gryfhau cymorth sefydledig Canopi i staff y GIG a gofal cymdeithasol ledled Cymru, gan gyflawni gwelliannau cynaliadwy i wasanaethau wrth gynyddu mynediad cyfartal, gan sicrhau y gall mwy o bobl gael mynediad at gymorth iechyd meddwl amserol pan fydd ei angen arnynt.
Manteision allweddol y cyllid
Bydd y cyllid yn cefnogi sawl datblygiad pwysig o fewn gwasanaeth Canopi, gan gynnwys:
- mwy o gapasiti therapi i helpu i leihau amseroedd aros a chryfhau gallu Canopi i ddarparu ymyrraeth gynnar i unigolion sy’n profi pryderon iechyd meddwl
- ymgysylltu’n well â chymunedau sydd yn draddodiadol wedi’u tangynrycholi mewn gwasanaethau iechyd meddwl, gan gynnwys dynion a phobl o gefndiroedd mwyafrif byd-eang i godi ymwybyddiaeth, lleihau rhwystrau i fynediad, ac annog mwy o bobl i geisio cymorth pan fydd ei angen arnynt
- hyfforddiant arbenigol i therapyddion a meddygon ym maes iechyd meddwl dynion a therapi gwybyddol ymddygiadol cymwys yn ddiwylliannol (CBT)
- datblygu’n barhaus wasanaeth cynhwysol a chyfartal sy’n diwallu anghenion esblygol y GIG a’r gweithlu gofal cymdeithasol ledled Cymru
Mae’r cyllid hwn yn gyfle pwysig i gryfhau gwasanaeth Canopi, gan helpu i sicrhau y gall staff y GIG a staff gofal cymdeithasol gael mynediad at gymorth iechyd meddwl sy’n ymatebol, yn gynhwysol ac yn hygyrch.
Neges gan ein Cyd-gyfarwyddwr
Mae’r cyllid hwn yn nodi carreg filltir bwysig yn natblygiad parhaus y gwasanaeth wrth i Canopi barhau i gefnogi gweithlu’r GIG a gofal cymdeithasol ledled Cymru.
Wrth fyfyrio ar yr hyn y bydd y buddsoddiad hwn yn ei olygu i Canopi, dyma a ddywedodd ein Cyd-gyfarwyddwyr, Dr Jake Hard.
“Rydyn ni’n ddiolchgar i Elusennau’r GIG Gyda’i Gilydd am eu cefnogaeth ac yn edrych ymlaen at gyflawni’r gwelliannau hyn i sicrhau y gall mwy o bobl gael cymorth iechyd meddwl amserol, cynhwysol ac effeithiol.”
Edrych tua’r dyfodol
Wrth i ni edrych ymlaen, bydd y buddsoddiad hwn yn helpu Canopi i adeiladu ar ei sylfeini cryf a pharhau i ddatblygu i ddiwallu anghenion gweithlu’r GIG a gofal cymdeithasol ledled Cymru.
Rydyn ni’n ddiolchgar i Elusennau’r GIG Gyda’i Gilydd am eu cefnogaeth ac yn edrych ymlaen at gyflawni’r gwelliannau hyn i sicrhau y gall mwy o bobl gael mynediad at gymorth iechyd meddwl amserol, cynhwysol ac effeithiol.
Darllenwch ragor
Am ragor o wybodaeth am Elusennau’r GIG Gyda’i Gilydd a’r gwaith y maen nhw’n ei wneud i gefnogi staff y GIG, ewch i’w gwefan.
Atgyfeiriwch eich hun heddiw
Os ydych chi’n gweithio i’r GIG neu ym maes gofal cymdeithasol yng Nghymru ac yn chwilio am gymorth, gallwch chi atgyfeirio eich hun drwy ein ffurflen ar-lein.