Mae tua 1 o bob 6 o bobl sy’n gweithio yng Nghymru yn cael eu heffeithio gan gyflwr iechyd meddwl; ceir y cyfraddau uchaf o adrodd ynghylch straen, gorbryder ac iselder ymhlith y sawl sy’n gweithio mewn proffesiynau gofalu*.
Dyna pam yr ehangodd Canopi ei wasanaethau i gyrraedd staff gofal cymdeithasol ym mis Mai 2022. Ers hynny, mae dros 347 o staff gofal cymdeithasol wedi cysylltu â’n gwasanaeth i ofyn am gymorth gan eu bod yn teimlo’n isel eu hysbryd, yn orbryderus, neu am gymorth ynghylch pryderon eraill yn ymwneud â’u hiechyd meddwl.
“Yn y cyfnod heriol hwn, mae Canopi yn ffynhonnell arall o gymorth ar gyfer staff sy’n gweithio yn y maes gofal cymdeithasol. Ers lansio Canopi, mae staff gofal cymdeithasol o bob rhan o Gymru wedi cysylltu â ni am amrywiaeth o resymau. Wrth i ni ddechrau ein hail flwyddyn, mae hyrwyddo Canopi yn barhaus i’r gweithlu gofal cymdeithasol yn flaenoriaeth o hyd.”
Yr Athro Fiona Verity, Dirprwy-Gyfarwyddwr Canopi.
Helpu staff gofal cymdeithasol ledled Cymru
Gall staff gofal cymdeithasol a staff y GIG o bob rhan o Gymru gael cymorth drwy Canopi. Rydym yma’n arbennig i helpu’r rhai nad oes ganddynt fynediad at opsiynau cymorth drwy gyflogwyr neu sy’n pryderu am gysylltu â nhw.
Rydym yn falch iawn ein bod wedi helpu staff gofal cymdeithasol o bob rhan o’r wlad:
![](https://canopi.nhs.wales/wp-content/uploads/2023/05/Blog-graphics-36.png)
Pwy gysylltodd â ni i ofyn am gymorth?
Gall anawsterau iechyd meddwl effeithio ar unrhyw un. Mae’r bobl a ofynnodd i ni am gymorth yn gweithio mewn amrywiol rolau yn y sector gofal cymdeithasol:
![](https://canopi.nhs.wales/wp-content/uploads/2023/05/Blog-graphics-37.png)
Sut mae’r gwasanaeth yn gweithio?
Mae Canopi yn wasanaeth cyfrinachol rhad ac am ddim ar gyfer y rhai sy’n gweithio yn y maes gofal cymdeithasol a’r GIG yng Nghymru. Yn syml, atgyfeiriwch eich hun ar-lein a byddwn yn anfon dolen atoch i’n porth cadw lle; yno gallwch wneud apwyntiad gydag un o’n Meddygon sy’n Gynghorwyr.
Gyda’ch gilydd, gallwch benderfynu ar ddull personol a theilwredig o fynd i’r afael â’ch anghenion. Gallai hyn olygu mynediad at ddeunyddiau hunangymorth rhad ac am ddim, neu ddewisiadau amgen eraill dan arweiniad therapydd.
![](https://canopi.nhs.wales/wp-content/uploads/2023/05/Referral-process-2-1024x768-2.png)
Atgyfeiriwch eich hun heddiw
Os ydych chi’n rhan o’r gweithlu gofal cymdeithasol yng Nghymru ac mae angen cymorth arnoch chi, darganfyddwch beth allwn ni ei gynnig i chi heddiw:
- Darganfod rhagor am ein gwasanaeth
- Atgyfeiriwch eich hun ar-lein
- Edrychwch ar ein hadnoddau hunangymorth rhad ac am ddim.
Rhowch wybod i bawb
Mae sgwrsio o ddifri ynghylch lles ein cydweithwyr yn bwysig iawn o ran meithrin ymddiriedaeth a chodi ymwybyddiaeth ynghylch iechyd meddwl. Mae nifer o staff gofal cymdeithasol yng Nghymru nad ydynt wedi clywed am ein gwasanaeth eto.
Helpwch ni i ledaenu’r gair am ein gwasanaeth drwy archebu posteri hyrwyddo a chardiau post ar gyfer eich gweithle neu sgwrsio â’ch cydweithwyr am rai o’r gwasanaethau rydym yn eu cynnig.
*Yn ôl NICE, dyfynnwyd gan AaGIC.