Profwyd bod bibliotherapi yn helpu pobl ag amrywiaeth o anhwylderau iechyd meddwl drwy’r broses o ddarllen, myfyrio a thrafod llenyddiaeth i newid a datblygu ein prosesau meddwl dros amser. Mae darllen annibynnol yn cynnig nifer o fanteision cymdeithasol-wybyddol gan gynnwys dylanwadu ar ein gallu i gydymdeimlo, deall pobl eraill, a rhagweld patrymau ymddygiad. Gelwir hyn yn Theori’r Meddwl.
Mae adolygiad o bibliotherapi yn awgrymu y gallwn ni sylwi ar fanteision darllen ar ôl darllen un stori yn unig – newyddion da os ydych chi’n ddarllenwr achlysurol!
I gydnabod manteision darllen, dechreuodd Canopi argymhell llyfrau Hunangymorth ar y Sul (‘Self-Help Sunday’) bob wythnos ar ystod o bynciau, o gryfhau eich gwytnwch, i hunandosturi a chysylltu ag eraill trwy gyfathrebu effeithiol.
Ar ôl dwy flynedd o rannu argymhellion ar ein cyfryngau cymdeithasol gan gynnwys X ac yn ddiweddar, ein tudalen Instagram newydd, rydyn ni’n edrych yn ôl ar y llyfrau roeddech chi’n eu caru, yn eu hoffi ac yn eu hailbostio. Faint o’r llyfrau hyn ydych chi wedi’u darllen?
Y pum llyfr gorau a argymhellwyd i ni gan gydweithwyr sy’n gweithio ar draws gofal cymdeithasol a’r GIG yng Nghymru.
Listen: How to Find the Words for Tender Conversations gan Kathryn Mannix
Yma mae Kathryn Mannix, meddyg gofal lliniarol a seicotherapydd, yn cyfuno ei phrofiadau a’i doethineb i ddangos pŵer gwrando a chreu gofod diogel lle gellir clywed a deall eraill.
The Body Keeps Score gan Bessel van der Kolk
Mae’r arbenigwr trawma, Dr Bessel van der Kolk yn dangos sut mae straen wedi trawma yn ailweirio ein hymennydd a ffyrdd y gallwn ni adfer pleser, ymgysylltu, rheolaeth ac ymddiriedaeth.
Recovery: The Lost Art of Convalescence gan Dr Gavin Francis
Ydych chi wedi neilltuo lle ar gyfer adferiad yn eich bywyd? Mae Gavin Francis, meddyg teulu ac awdur, yn gwneud i chi feddwl am adferiad ac yn trafod sut a pham rydyn ni’n gwella yn gorfforol ac yn feddyliol.
Good Vibes, Good Life gan Vex King
Yn ei lyfr poblogaidd, mae Vex yn defnyddio ei brofiadau ei hun o adfyd i’ch helpu i fod yn fwy positif; o ymarfer hunanofal i ganfod eich pwrpas a goresgyn ofn.
Your Fully Charged Life gan Meaghan B Murphy
Bydd Your Fully Charged Life yn eich helpu i ailddarganfod eich brwdfrydedd a derbyn heriau gyda meddylfryd cadarnhaol a fydd yn lledaenu i eraill. Mae Meaghan B Murphy, golygydd cylchgronau, yn rhannu ei chyfrinachau gyda chi yn y llyfr grymus hwn!
Dilynwch ni ar X ac Instagram i gael rhagor o argymhellion ar gyfer llyfrau hunangymorth
Rhagor o ddeunydd darllen: